Saluton!

La ĉi-jara renkontiĝo PRINTEMPE de la asocio EsperantoLand okazos de la 18-a ĝis la 25-a de aprilo 2011, en la Eifel-regiono, apud la vilaĝo Dahlem-Baasem (sude de Kolonjo). Jam la 1-a PRINTEMPE pasintjare okazis en la sama domo, kiu tre plaĉis al ni - ĝi troviĝas sur monto kun superrigardo al la valo, apud arbaro kaj ĝi havas agrablan endoman naĝejon. Eblas bele promeni ĉirkaŭe en kampoj kaj arbaro kaj fari ekskursojn en la regiono.

Ni planas pasigi trankvilajn printempajn tagojn, aŭskulti kelkajn prelegojn, havi eble konversacian rondon aŭ alian lingvan kurson, ĝui la flosadon en la varma akvo de la endoma naĝejo, fari promenojn kaj ekskursojn, festi paskon - do ĝui la vivon kaj la printempon. Ni invitas familiojn kun infanoj, parojn kaj unuopulojn.

La renkontiĝo okazos en la semajno antaŭ pasko kaj finiĝos en la paska lundo. La datoj do kongruas ekzemple kun la lernejaj ferioj en Belgio, en germanaj landoj kiel Nordrejn-Vestfalio aŭ Rejnlando-Palatinato kaj en la zonoj B kaj C en Francio (ekzemple Lille kaj Parizo).

La informojn kaj la aliĝilon vi trovas sur http://www.esperantoland.org/printempe/index.shtml#printempe .

Ni tre ĝojos, se vi ŝatos partopreni. Volonte mi respondos viajn demandojn.

Kun afablaj salutoj, Lu Wunsch-Rolshoven, EsperantoLand, Internaciaj ferioj